У перыяд з 17 па 24 чэрвеня Бабруйская "Фабрыка мастацкіх вырабаў" расчыніла свае дзверы для юных гасцей са школьнага лагера "Дружба" і дзіцячага лагера працы і адпачынку ДУА "Гімназія № 3", ДУА "Сярэдняя школа № 27 г. Бабруйска імя В. З. Харужай» г.Бабруйска. Дзеці змаглі пабываць на вытворчых участках прадпрыемства і даведацца, як ствараюцца ўнікальныя вырабы народных мастацкіх рамёстваў.

Падчас экскурсіі дзецям расказалі пра ўсе этапы вытворчасці - ад нарыхтоўкі матэрыялаў да фінальнай апрацоўкі прадукцыі. Спецыялісты фабрыкі паказалі, як майстры працуюць з металам, саломай, тканінай і іншымі матэрыяламі, ператвараючы іх у сапраўдныя творы мастацтва.

Адмысловае захапленне ва ўдзельнікаў экскурсіі выклікала дэманстрацыя гатовых вырабаў: сувеніры з саломкі ручной працы, тэкстыльныя вырабы з нацыянальнымі арнаментамі і шматлікае іншае. Дзеці не толькі ўбачылі працэс стварэння, але і даведаліся пра традыцыі беларускага дэкаратыўна-прыкладнога мастацтва.