Усяго прымуць удзел у суботніку каля 3 млн грамадзян.
Добраўпарадкаваць і прывесці ў парадак плануецца:
- аб'екты і тэрыторыі населеных пунктаў,
- мемарыяльныя комплексы, помнікі, месцы баявой і воінскай славы, пахаванні часоў ВАВ,
- гісторыка-культурныя каштоўнасці.
Таксама ў рамках суботніка будзе праведзена пасадка лесу, азеляненне тэрыторый.
Грашовыя сродкі, заробленыя на суботніку (плануецца больш за Br12 млн), пералічваюцца:
50 працэнтаў - на рэканструкцыю мемарыяльнага комплексу вязням Азарыцкага лагера смерці (Калінкавіцкі раён Гомельскай вобласці);
50 працэнтаў - на стварэнне рэспубліканскага цэнтра патрыятычнага выхавання моладзі на базе Кобрынскага ўмацавання Брэсцкай крэпасці.
Праектная прапанова рэканструкцыі мемарыяльнага комплексу прадугледжвае ўстаноўку кампазіцыі "Камяні прасвятлення"* (чатыры шматгранныя стэлы) у цэнтры праектаванай мемарыяльнай зоны.
Праектная прапанова па патрыятычным цэнтры (распрацавана інстытутам " Ваенпраект ") прадугледжвае рэканструкцыю будынкаў і збудаванняў на Кобрынскім умацаванні, добраўпарадкаванне тэрыторыі.
*умоўнае назву.