Сёння, 25 красавіка 2025 года, прайшла незвычайная сустрэча - "Бацькоўскі НЕсход", спікерамі якога сталі дырэктар "Сярэдняй школы № 6" Суровая Ірына Уладзіміраўна і намеснік дырэктара па выхаваўчай рабоце школы Пракаповіч Марыя Паўлаўна. Сустрэча была прысвечана актуальным пытанням бяспекі і выхавання дзяцей.

У ходзе мерапрыемства абмеркавалі шэраг важных тэм:

• забеспячэнне бяспекі дзяцей у пазаўрочны час шляхам павышэння бяспекі іх жыццядзейнасці;
• пашырэнне тэарэтычных ведаў бацькоў па пытанні прафілактыкі экстрэмізму сярод падлеткаў;
• кібербяспека і правілы паводзін у Інтэрнеце;
• папярэджанне дзіцячых суіцыдаў;
• стварэнне ўмоў для актыўнага ўключэння дзяцей і моладзі ў сацыяльна-эканамічнае культурнае жыццё грамадства.

Асаблівую ўвагу ўдзялілі ролі бацькоў у выхаванні дзяцей. Арганізатары падкрэслілі, што менавіта сям'я фарміруе ў дзіцяці асновы бяспечных паводзін і жыццёвыя каштоўнасці.