Пасля будаўнічых работ тут наводзіцца парадак на тэрыторыі, а таксама афармляецца абноўленая экспазіцыя музея. Працоўны калектыў Упраўсправамі Прэзідэнта на чале з Юрыем Назаравым працуе сёння на ўпрыгожванні гэтага аб'екта.

Кіраўнік справамі Прэзідэнта падкрэсліў, што выезд на такія мерапрыемствы калектывам заўсёды ўспрымаецца з энтузіязмам і натхненнем. «Гэта магчымасць унесці свой уклад у ператварэнне нашай краіны, яе гарадоў, пасёлкаў, вёсак, ляснога фонду і іншых месцаў і аб'ектаў, — пракаментаваў ён. — Для нас асабліва сімвалічна, што мы сёння працуем на унікальнай прыродазнаўчай тэрыторыі, у гэтым запаведным кутку беларускай зямлі. Ён ужо на працягу стагоддзя знаходзіцца пад асаблівай аховай дзяржавы. Дзякуючы самаадданай працы некалькіх пакаленняў работнікаў запаведніка гэтая прыродная перліна захавалася ў першабытным выглядзе і зараз мы, наша пакаленне, павінны зрабіць усё, каб захаваць яе і для будучых пакаленняў».

Таксама важна прышчапляць любоў да прыроды ў падрастаючага пакалення, падкрэсліў кіраўнік Упраўсправамі. Для гэтага ў тым ліку ў запаведніку створаны Дом экалагічнага асветніцтва, Музей запаведнай справы, Музей прыроды, Музей мёду і іншыя цікавыя аб'екты. «Працуем тут з задавальненнем, думаю, сёння на гэтым аб'екце работы скончым. Усім раю пабываць у Бярэзінскім біясферным запаведніку і абавязкова зайсці ў Музей мёду, ён атрымаўся вельмі пазнавальным і цікавым», — заклікаў Юрый Назараў.-0-