"Сустрэча пакаленняў" - так назвалі мерапрыемства яго ўдзельнікі. "Менавіта пакаленняў, таму што тут сабралася каманда не толькі Беларускага рэспубліканскага саюза моладзі. Тут сабраліся і нашы паважаныя ветэраны, і нашы пераемнікі, будучае саюза моладзі - юныя піянеры", - сказаў першы сакратар ЦК БРСМ Аляксандр Лук'янаў.

Маладзёжны лідэр адзначыў яшчэ адзін сімвалізм сустрэчы - яна праходзіць напярэдадні 60-годдзя студатрадаўскага руху ў Беларусі. "Байцы студэнцкіх атрадаў БРСМ у свой час будавалі гэты Палац Незалежнасці", - падкрэсліў ён.

"Вы сказалі, што 10 гадоў Палацу Незалежнасці. Калі шчыра, дзякуючы вам я звярнуў на гэтую ўвагу. Я проста выпусціў гэта з-пад увагі. Задума была такой, каб гэта спраектавалі і прабудавалі беларусы", - заявіў Аляксандр Лукашэнка.

У будаўніцтва Палаца Незалежнасці быў моцна ўцягнуты і сам Прэзідэнт. Па яго прапанове тут з'явіўся зімовы сад. "Я люблю прыроду. Трэба трапятліва ставіцца да гэтага тварэння. Адсюль і парадак, чысціня ў краіне. Я вельмі жорстка патрабую, каб гэта было. І я папрасіў, каб спраектавалі тут так званы зімовы сад. Потым, калі я сказаў, што мы будзем. рабіць усё самі, паляцелі прапановы. Маса варыянтаў, але патрабаванне адно - наша з нашага матэрыялу", - сказаў кіраўнік дзяржавы.

Па даручэнні Аляксандра Лукашэнка ўжо некалькі гадоў у Палацы Незалежнасці праводзяцца экскурсіі для арганізаваных груп. "Каб яны бачылі, як працуюць не толькі нашы дзяржслужачыя, але і Прэзідэнт", - дадаў ён.

Гаворачы аб камсамольскім руху, Аляксандр Лукашэнка заўважыў, што ў свой час УЛКСМ быў школай для кіруючых кадраў. "Кузніца кадраў. І гэта сапраўды было так", - падкрэсліў Кіраўнік дзяржавы.